Ferðaáætlun:

Dagur 1 – Fimmtudagur 22. Maí - Brottför

Flogið frá Íslandi til London eða Kaupmannahafnar - Gist á hóteli nálægt flugvellinum.

Dagur 2 – Föstudagur 23. Maí - Flug til Nairobi
Morgun flug áfram til Nairobi og lending að kvöldi. Tékkað inn á Windsor - fjögra stjörnu golf hótel.

Dagur 3 – Laugardagur 24. Maí - Golf á Windsor.

Eftir golfleik er kjörið að njóta lífsins á veitingastaðnum sem er með útsýni yfir völlinn. Einnig er hægt að fara í nudd og slaka á við laugina. Við borðum á hótelinu um kvöldið.

Dagur 4 – Sunnudagur 25. Maí - Golf á Windsor.

Eftir golf og slökun förum við í smá skoðunarferð og endum á flottum veitingastað.

Dagur 5 – Mánudagur  26. Maí - Golf á Muthaiga golf club

Nú prófum við Muthaiga golfvöllin sem er rétt hjá Windsor.

Dagur 6 – Þriðjudagur 27. Maí - Loitoktok
Við leggjum af stað í ævintýraferð og keyrum til Loitoktok sem liggur í fallegri sveit við rætur Kilimanjaro. Þar býr Masaai ættbálkurinn. Við komuna þangað borðum við heima lagaðann hádegisverð í nýbyggðu gistihúsi fararstjóranna, Þórunnar og Samúels. Eftir matinn heimsækjum við Harvest skólann. Nemendur og starfsfólk skólans taka á móti okkur á sinn einstaka hátt. Að því loknu heimsækjum við Masaai heimili og fræðumst um einstaka menningu þessa þjóðflokks. Um kvöldið gistum við á fjögurra stjörnu safari hóteli.

Dagur 7 – Miðvikudagur 28.maí  - Amboseli þjóðgarðurinn

Við vöknum snemma og keyrum inní Amboseli þjóðgarðinn sem er við rætur Kilimanjaro. Hann er stundum kallaður fílahöfuð borg heimsins. Við byrjum á safaríferð um garðinn og skoðum dýralífið. Um kl 12 förum við aftur á hótelið þar sem er hlaðborð í hádeginu. Seinnipartinn  förum við aftur á stjá og reynum að koma auga á ljón.

 Dagur 8 – Fimmtudagur 29. maí - Tsavo west þjóðgarðurinn

Lagt af stað í Tsavo West þjóðgarðinn snemma morguns. Tsavo west er afskekktur, víðfeðmur og stórkostlega fallegur náttúrugarður. Við komum á hótelið um kl 12.00 og borðum hádegismat. Um kl 16.15 keyrum við til Mzima springs og förum þar í smá göngutúr. Þar má gjarnan koma auga á flóðhesta og krókódíla.

Keníska ströndin - Vipingo Ridge

Vipingo Ridge völlurinn er staðsettur við Indlandshafs ströndina og er metinn einn besti völlurin í Kenía. Mikið dýralíf er í kringum völlinn og ekki óalgegt að rekast á zebra hestar, antilópur og gíraffa.

Dagur 9 – Föstudagur 30. Maí: 

09.30 Laggt af stað frá Tsavo west í lestina kl 11.00 Lest til Mombasa – Koma klukkan 14. Þaðan ökum við til Vipingo ridge sem tekur um klukkutíma. Við slökum á og njótum dagsins á ströndinni eða við laugina.   

Dagur 10 - Laugardagur 31. maí – Golf á Vipingo.  

Það er töluvert heitara í Vipingo en i Nairobi og því tökum við daginn eldsnemma. Förum svo á Vipingo beach bar eftir hádegi.

Dagur 11 – Sunnudagur 1. Júní  - Golf á Vipingo.

Það er tími fyrir annan hring á Vipingo um morgunninn. Flogið til Nairobi eftir hádegi

Dagur 12 – Mánudagur 2. Júní- Golf á Windsor eða Muthaiga

Golfvöllur að eigin vali. Eftir hádegi er kjörið að skella sér í skoðunarferð um teræktarsvæðið.

Dagur 13 – Þriðjudagur 3. Júní - Golf á Windsor eða Muthaiga  

Eftir hádegi förum við í heimsókn í Harvest skólann í Kariobangi sem Íslenska barnahjálpin rekur. Við munum þar hitta fyrir fleiri íslendinga sem eru að koma sérstaklega til að heimsækja skólann. Þar munum við upplifa einstakar kenískar móttökur. Seinnipart dags þá slökum við á en þá er einnig val um það að fara í heimsókn á heimili nemenda í Harvest skólanum og kynnast nánar þeirra aðstæðum. Þetta er líka einstakt tækifæri til að kynnast heimafólki betur.

Dagur 14 – Miðvikudagur 4. Júní – Golf á Karen golf club.

Eftir golfið heimsækjum við Karen Blixen safnið sem er á fyrrum heimili hennar og í húsinu þar sem óskarsverðlauna myndin Out of Africa var tekin upp. Ef tími gefst þá skellum við okkur í gíraffagarðinn í lokinn.

Dagur 15 – Fimmtudagur 5. Júní  - Golf á Windsor/Muthaiga 

frjáls dagur eftir hádegi

Dagur 16 – Föstudagur 6. Júní  - frjáls dagur

heimferð að kvöldi.

Dagur 17 – Laugardagur 7. Júní  - Lending á Íslandi